सरकारले काम गरेको भुक्तानी उपलब्ध नगराएको भन्दै निर्माण व्यवसायीहरुको प्रदर्शन

काठमाडौँ - सरकारले काम गरेको भुक्तानी उपलब्ध नगराएको भन्दै निर्माण व्यवसायीहरुले बिहीबार पनि काठमाडौंमा प्रदर्शन गरेका छन्।

दोस्रो चरणको आन्दोलन अन्तर्गत नेपाल निर्माण व्यवसायी महांघको अगुवाईमा निर्माण व्यवसायीहरुले काठमाडौंको बिजुलीबजार क्षेत्रमा प्रदर्शन गरेका हुन् ।

व्यवसायीहरूको अर्बौं रकम भुक्तान हुनुपर्ने, सबै आयोजनाको एकमुष्ट म्याद थप हुनुपर्ने, मूल्य समायोजन हुनुपर्ने, निर्माण व्यवसायीमैत्री ऐन नियम लागू हुनुपर्ने, निर्माण व्यवसायीको माग सम्बोधनका लागि उच्चस्तरीय वार्ता टोली गठन हुनुपर्ने लगायतका माग राखी व्यवसायीहरू साउन १४ देखि निरन्तर आन्दोलनमा छन्।