हत्या गरेको अवस्थामा शव फेला

रौतहट । रौतहटमा एक युवकको धारिलो हतियार प्रहार गरि हत्या गरेको अवस्थामा शव फेला परेको छ । 
इशनाथ नगरपालिकामा–९, लवतनाका १८ वर्षीय सहबाज मिया आलमको हत्या गरेर अवस्थामा शब फेला परेको प्रहरीले जनाएको छ । 
प्रहरीका अनुसार मियालाई अज्ञात समूहले धारिलो हतियारले पेटमा प्रहार गर्दा  घटनास्थलमै मृत्यु भएको हो । एकै समूहमा बसेर लागुऔषध सेवन गर्ने क्रममा विवाद भएपछि गएराति हत्या भएको आशंका गरिएको जिल्ला प्रहरी कार्यालय रौतहटका उपरीक्षक दिलिप घिमिरेले जानकारी दिए । 
उनका अनुसार घटनाको सम्बन्धमा अनुसन्धान भइरहेकोे छ । इशनाथ नगरपालिकाको कार्यालय अगाडिको आप बगंचामा  मियाको शव फेला परेको जिल्ला प्रहरी कार्यालय रौतहटले जनाएको छ । 
यस अघि यमुनामाई गाँउपालिकाको वडा नं। ४ मा रहेको झाँझ खोलमा अन्दाजी ३० वर्षिया महिलाको शव फेला परेको थियो । पानीमा महिलाको शव रहेको भन्ने सूचना आए पछि सशस्त्र प्रहरी बल, नेपाल बिओपी बेलविछवाबाट विपद् उद्दारका सामग्री सहित टोली परिचालन भएको थियो । मृतक महिलाको सनाखत हुन नसकेको प्रहरीले जनाएको छ । 
हिजो बुधबार नै माधवनारायण नगरपालिकाको वडा नं। ९ गढौ स्थित बाग्मती नदीको किनारमा नाम वतन नखुलेको अन्दाजी ५३ वर्षिय एक पुरुषको शव फेला परेको थियो । जिल्ला प्रहरी कार्यालय रौतहट यी सबै घटनाको सम्बन्धमा अनुसन्धान भइरहेको जनाएको छ ।